ايه اللي احنا شايفينه ده فين المسؤولين عن الاطفال تلاميذ يروحوا مدرستهم بمركب تعدي في النيل او تعدي في ترعه الكلام ده بيحصل في مدرسة اسمها العبور في منطقه اسمها الساقيه عند المنزله في الدقهليه بالذمه فين اعضاء مجلس الشعب اللي بينزلوا يجروا على البيوت ويخبطوا  ويطبلوا وبينتظروا  الناس   تساعدهم عشان ينجحوا في الانتخابات وبعد كده يختفوا دورك يا استاذ ياعضو المجلس  عن المنطقه المذكوره انك تكون متواجد وتسيب كرسيك في المجلس دورك مع اطفال زي دول اهم انك تحرك وزاره النقل وانك تحرك وزير التربيه والتعليم ان هم يحلوا الازمه وبسرعه جدا لانقاذ ارواح اطفال ابرياء كفايه كوارث كل يوم .

و الاطفال وخاصه اللي بيركبوا التروسيكل بيحشروا الاطفال في باعداد مهوله عشان يجمع فلوس وقبل كده اكثر من حاله وحصل ان التروسيكل اتقلب في النيل والعيال غرقت غير الحوادث على الطرق ما حدش بيتحرك ولا حد مسؤول انتم فين من الكلام ده بتعملوا ايه في مجلس الشعب كلام وخلاص وخطب.

 الاولى انك تشوف مصالح المنطقه والدايره اللى ا انتخبتك هو ده الصح يا ريت نتعلم ويا ريت نتحرك وبسرعه قبل وقوع الكارثه ولا هتجري بسرعه بتتحركوا لما تحصل المصيبه.  يا ريت قرار عاجل يفرح الاطفال يروحوا مدارسهم مطمنين امنين حرام اللي بيحصل فيهم ده والله.