انتقدت الإعلامية ياسمين عز عددًا من مظاهر الاحتفال التي صاحبت أول أيام الدراسة، معربةً عن استيائها من بعض أشكال ملابس وتسريحات الطلاب، إلى جانب بعض التصرفات التي شهدتها المدارس.

ياسمين عز تنتقد مظاهر أول يوم دراسة

وقالت ياسمين عز، خلال برنامج كلام الناس: الحلقات غريبة بتاعت البغبغان والكحكة وزعتورة، ده مش منظر واحد رايح المدرسة، ده رايح إصلاحية، إحنا رايحين نتعلم مش حفلة لـ توو ليت، مطالبة بتوحيد شكل تسريحات الشعر داخل المدارس، مضيفة: اللي عامل عرف الديك يروح بيته وينزل صورته على السوشيال ميديا، لازم كل مدرسة يكون عندها حلاق وحلاقة شعر موحدة.

كما علقت على واقعة دخول طالبة إلى مدرستها على ظهر حصان في أول يوم دراسة، قائلة: لقيت بنت راكبة حصان حواليها زفة، أمال في فرحها هتعمل إيه يا حج؟ هتركبها هودج؟ مبشوفش ده غير في مصر، عيب إحنا لينا برستيج بره.

وتطرقت ياسمين عز أيضًا إلى ردود أفعال بعض الأمهات في أول يوم دراسة، منتقدة بكاء بعضهن أثناء وداع أبنائهن، وقالت: اللي واقفة تعيط هو مش رايح إعارة، موجهة حديثها للمعلمات: "المدرسة اللي هتصدع منهم الله يعينك يا جوز الميس"، مضيفة: “مشوفش واحدة ست تعيط غير لما جوزها يموت”.

كما تحدثت ياسمين عز عن  طرد طالب من مدرسة السعيدية بسبب “الشبشب" قائلة: في ولد مدخلش المدرسة عشان لابس شبشب، لو غلطان يتعاقب ويلتزم، ولكن  لو ظروفه صعبة طبيعي يكون فيه وقفة واستثناء والمدرسة تجيبلوا جزمة غير الشبشب.

وتأتي تصريحات ياسمين عز في إطار تعليقها على كواليس ومظاهر أول أيام العام الدراسي، وما يصاحبها من مواقف لافتة بين الطلاب وأولياء الأمور.