اعتادت الفنانة هنا الزاهد على نشر صورها على حسابها الشخصى بموقع التواصل الاجتماعي للصور والفيديوهات إنستجرام .
ولاحظ متابعو ومحبو هنا بعد نشر صورها الأخيرة التي جمعت بينها وبين أصدقائها وعائلتها، بأنها تتألق بالأسود فى العديد من الصور، وأنها لن تتخلى عنه حتى الآن منذ وفاة الفنان طلعت زكريا .
ومنذ وفاة النجم طلعت زكريا، توقفت هنا الزاهد عن نشر صورها على انستجرام حتى عاودت بعد أيام مشاركة جمهورها بأحدث صورها، مما جعل الجميع يلاحظ إطلالتها بالأسود منذ رحيل الفنان طلعت زكريا .
يذكر أن الفنانة هنا الزاهد رفعت صورة تجمعها بالفنان طلعت ذكريا بعد رحيله معلق عليها بالآتي " دي اخر صورة اتصورتها في كتب كتابي مع ابويا وحبيبي وسندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر.. انا عايزة اقولك اني معرفتش كلمة بابا غير وانا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اومليت عملتوا في حياتي و قولتلي اعملي مطعم " بالهنا والشفا" و اديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني.. كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني وأقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء.
