فازت الشاعرة إيناس السيد مدير تحرير جريدة الوفد بجائزة النشر من سلسلة النهار عن جمعية النهار الأدبية بالمنصورة برئاسة الشاعر إبراهيم رضوان وجمعية المجلس الدولى للتنمية وحقوق الإنسان ديوان شعر العامية (هانت العشرة)

طباعة مؤسسة النيل والفرات برئاسة الشاعر والناقد الأستاذ ناجى عبد المنعم رئيس مجلس إدارة المؤسسة

يقع الديوان فى ٣٧ خاطرة شعرية باللغة العامية من بينها هانت العشرة، طبطب على كتفك ، جرح قديم،  الدنيا إيه ، عنبى،  الشوارع القديمة

هانت العشرة

****

وعشنا أيام حسبناهم من الجنة

دفا وإحساس

ومن حب وحنان كداب

كنا بنفتكرهم ناس

عيون كانت م الهوى تلمع

تشوفها تقول عنّها ألماس

وياما وعود كتير تخدع

يبان فى ضيها الإخلاص

أخدنا الشوق ..فجأة صحينا

لقيناهم دهب قشرة

يا خسارة عمرنا إللى راح

ياقلبى هانت العشرة

عيونه غدر متدارى

خدنا لعذاب ليالينا

وليه كدبنا إحساسنا

كان الخداع باين لينا

يقوللي القلب متصدقش

أقوله لأه..دا شارينا

وباعنا ياقلبى زى ماقلت

بدال المرة ييجى عشرة

يا خسارة عمرنا إللى راح

ياقلبى هانت العشرة