محمد رمضان: الطيار الموقوف طلب مني 9 مليون مميز
قسم :
فن وثقافة
الأربعاء, 12 فبراير 2020 22:53
كشف محمد رمضان عن شدة حزنه على ما حدث للطيار أشرف أبو اليسر، الموقوف مدى الحياة عن الطيران، بسبب واقعة قيادة الطائرة.
وتحدث النجم محمد رمضان من خلال مقطع فيديو، عن تفاصيل حادثة قيادته للطائرة، قائلَا: جمهورى الغالى شعب مصر الحبيب .. لكل متابعى أزمة الكابتن الطيار أشرف أبو اليسر .. أنا زي ما وعدت عمرى ما هتخلى عنه .. أول أمبارح الحمد لله كلمت صديق ليا مدير شركة للطيران الخاص وحكيتله الموضوع، وقالى إن شاء الله خلال أسبوع يكون اشتغل ورجع لمهنته.. وأنا كلمت الأستاذ سعيد إمام مدير روتانا، وقولتله يتواصل مع الكابتن أشرف، يقوله محمد رمضان ينتظر الـ CV، علشان كلمت شركة إماراتية، وكان رده إنه مش هيبعت الـ CV.. فده الحل من وجهة نظري .. طبعًا ده اللى كنت أقدر أعمله.. ولكن الكابتن أشرف بعت المحامى الخاص به، وقعد مع مدير الحسابات الخاص بيا، وكان اللى عوضه ويرضيه .. فحسب حسبة كان باقيله 3 سنين ويطلع على المعاش بالإضافة لمكافأة نهاية الخدمة، وبالإضافة للمعاش وشوية حاجات.. جمعهم وقالى إنه محتاج 9 ونص مليون جنيه.. فأنا سايب الحكم للى بيعلقوا وبيقولوا محمد رمضان تخلى عن الراجل.. لو انتوا شايفين إن ده يرضى ربنا أنا هعمله عادي جدا.. أنا سايبلكوا الرد.
